امت نیوز ڈیسک//
سرینگر کے ہوائی اڈے سے جمعہ کے روز ایک فوجی اہلکار کے سامان سے دو گولیاں بر آمد کی گئی ہیں۔
سرینگر: جموں و کشمیر پولیس کے ایک سینئر آفیسر نے ای ٹی وی بھارت کو بتایا کہ جمعہ کی صبح ائر پورٹ کے گیٹ پر سیکورتی فورسز نے ایک فوجی اہلکار کے سامان سے انساس بندوق کی دو گولیاں بر آمد کی ہیں۔ فوجی اہلکار کو پوچھ تاچھ کے لیے ہمہامہ پولیس اسٹیشن پہنچایا گیا ہے۔ "فوجی اہلکار کی شناخت آسام رائفلز کے وجے پال کے طور پر ہوئی ہے، وہ چھٹیوں پر سرینگر سے دہلی جا رہا تھا۔
پولیس آفیسر نے بتایا کہ اس ضمن میں مزید تحقیقات کی جا رہی ہے۔
