جموں// جموں سری نگر قومی شاہراہ رام بن میں پتھر اور ملبہ گرآنے کی وجہ سے مسلسل دوسرے دن بھی بند ہے۔
محکمہ ٹریفک کے اہلکاروں نے بتایا کہ جموں سری نگر قومی شاہراہ کے پنتھیال مقام پر مسلسل پتھر گرنے سے شاہراہ پر آمد و رفت بند ہے ،کیونکہ مسلسل بارش کی وجہ سے بحالی کا کام شروع نہیں کیا جا سکا ہے۔
محکمہ ٹریفک کے عہدیداروں نے بتایا، “آج شاہراہ پر کسی بھی گاڑی کی آمدورفت کی اجازت نہیں ہوگی۔ موسم بہتر ہونے کے فوراً بعد بحالی کا کام شروع کر دیا جائے گا”۔
اُنہوں نے بتایا کہ شاہراہ کی حالت بہتر ہونے کی صورت میں ٹریفک آمد ورفت کو بحال کر دیا جائے گا۔
