(سرینگر) سرینگر میں بھارتیہ جنتا پارٹی کی جانب سے سالانہ کارکردگی پر پارٹی کا مفصل جائزہ لیا گیا۔ پریس کانفرنس سے خطاب کرتے ہوئے بھارتیہ جنتا پارٹی جموں و کشمیر کے جنرل سیکٹری (آرگنائزیشن) اشوک کول نے کہا کہ جموں و کشمیر کو انتخابات کے بعد ریاستی درجہ دیا جائے گا۔ اس دوران انہوں نے یہ بھی بتایا کہ دفعہ 370 اور 35-اے زمین بوس ہوچکا ہے، جو کھبی واپس نہیں آنے والا ہے۔ انہوں نے کہا کہ جو لوگ دفعہ 370 کی بحالی کا خواب دیکھ رہے ہیں، انہیں اب خواب دیکھنا چھوڑ دینا چاہئے۔
