(سرینگر) این آئی اے کی طرف سے آج صبح سے ضلع شوپیان کے وچی علاقے اوربڈگام ضلع میں پانچ مقامات پر چھاپہ مار کاروائیاں انجام دی گئی۔ این آئی اے بیان کے مطابق لکھنؤ اترپردیش کے القاعدہ کیس نمبر RC-02/2021/NIA/LKW کے سلسلہ میں میں وادی کشمیر کے مختلف مقامات پر چھاپہ مارے گئے۔ اس دوران این آئی اے نے بڑی تعداد میں دستاویزات اور ڈیجیٹل آلات ضبط کیے ہیں۔ بیان کے مطابق لکھنؤ اترپردیش کے القاعدہ کیس کے سلسلہ میں این آئی اے نے وادی کشمیر کے شوپیان اور بڈگام اضلاع میں پانچ مقامات پر تلاشی کارروائی انجام دی ہے۔ اس دوران تحقیقات کے لیے کہی افراد کو پولیس اسٹیشن میں لے جاکر تحقیقات کی گئی۔ این آئی اے نے وچی علاقے میں ریاض احمد میر ولد نبی میر، شاہد احمد شاہ ولد شبیر احمد شاہ جو پیشہ سے دوکاندار ہے، محمد شابان کمار ولد محمد رمضان جو چیرمین اوقاف کمیٹی وچی ہے اور محمد شفیع شاہ ولد عبدالاحد شاہ کی رہائش گاہوں پر چھاپہ مارا۔ این آئی اے کے بیان کے مطابق یہ کارروائی القاعدہ کے ایک کارکن عمر ہلمندی سے متعلق ہے، جو دیگر ملزمان کے ساتھ مل کر عسکری تنظیموں میں بھرتی کرتا تھا۔ اس کے علاوہ انصار غزوت الہند کو بڑھانے کی کوشش کر رہا تھا۔ این آئی اے نے اپنے بیان میں بتایا کہ تازہ چھاپہ مار کاروائیوں کے دوران بڑی تعداد میں دستاویزات اور ڈیجیٹل آلات ضبط کیے گئے ہیں۔ جبکہ کیس میں مزید تفتیش جاری ہے۔
