(کپواڑہ) بھارتیہ جنتا پارٹی کے جموں وکشمیر صدر روندر رینہ کا کہنا ہے کہ آنے والے وقت میں جموں وکشمیر میں بی جے پی کی حکومت ہوگی۔ انہوں نے کہا کہ کشمیر کے لوگ بھاجپا کے ساتھ جڑ رہے ہیں اور یہاں کا بچہ بچہ ہندوستانی ہے۔ ان باتوں کا اظہار روندر رینہ نے کرناہ کپواڑہ میں عوامی جلسے کے دوران کیا۔ رویندد رینا کا کہنا تھا کہ کشمیری سیاسی جماعتیں بی جے پی کے خلاف پروپیگنڈا کرتی ہیں لیکن بی جے پی کشمیر میں وکاس کیلئے کوشش کر رہی ہے، ان کا یہ پروپیگنڈہ کامیاب نہیں ہوگا۔انہوں نے کہا کہ ڈیلیمٹیش جلدی ختم ہورہی ہے اور بہت جلد جموں و کشمیر میں عوامی حکومت ہوگی لیکن اگلا وزیر اعلی جموں و کشمیر میں بی جے پی کا ہوگا۔ انہوں نے کہا کہ اب کشمیر بدل گیا ہے اور کشمیر میں تعمیر ترقی کا نیا دور شروع ہوریا ہے۔ روندر رینہ نے کہا کہ آنے والا وقت بی جے پی کا ہے اور ہر حال میں جموں و کشمیر میں بی جے پی کی حکومت ہوگی اور لوگوں کے مسائل کا حل صرف بی جے پی کرسکتی ہے۔
