(بڈگام) پولیس نے ہفتے کے روز ضلع بڈگام سے ایک عسکریت پسند کو گرفتار کرنے کا دعویٰ کیا ہے۔پولیس کے ایک سینئر آفیسر کے مطابق "بڈگام کے پوشکر علاقے سے سیکیورٹی فورسز نے عسکریت پسند حمید ناتھ کو گرفتار کیا ہے۔ زآنگام کا رہنے والا ناتھ امسال فروری مہینے کی 26 تاریخ کو عسکری صفوں میں شامل ہوا تھا اور عسکری کمانڈر محمد یوسف ڈار عرف کانٹروکا قریبی ساتھی تھا۔”اُن کا مزید کہنا تھا کہ "باوثوق ذرائع کی نشاندھی پر فوج کی 2 اور 62 آر آر اور پولیس کی ایس او جی نے علاقے میں تلاشی شروع کی جس دوران عسکریت پسند کو گرفتار کیا گیا۔”
