(سرینگر) جموں و کشمیر پولیس کا کہنا ہے کہ 30 دسمبر کے اننت ناگ انکاؤنٹر میں مارے جانے والے جنگجوؤں میں سے ایک جنگجو غالباً جیش محمد سے وابستہ اعلیٰ کماندڑ سمیر ڈار ہے جو لیتہ پورہ پلوامہ حملے میں ملوث زندہ بچ جانے والا آخری جنگجو تھا۔ واضح رہے اننت ناگ کے ڈورو شاہ آباد علاقے میں 30 دسمبر کو فورسز اہلکاروں اور جنگجوؤں کے درمیان ہونے والے تصادم میں تین جنگجو مارے گئے تھے۔ پولیس کے مطابق مہلوکین میں سے ایک جنگجو پاکستانی جبکہ دو دیگر مقامی جنگجو تھے۔ کشمیر زون پولیس نے انسپکٹر جنرل وجے کمار کے حوالے سے ہفتے کے روز ایک ٹویٹ میں کہا: ’اننت ناگ میں 30 دسمبر کو ہوئے انکاؤنٹر میں مارے جانے والے جنگجوؤں میں سے ایک کی تصویر جیش محمد کے اعلیٰ کمانڈر سمیر ڈار سے ملتی ہے جو لیتہ پورہ پلوامہ حملے کا زندہ بچ جانے والا آخری جنگجو تھا‘۔ ٹویٹ میں کہا گیا: ’تاہم اس کی ڈی این اے سیمپل میچنگ کی جائے گی‘۔
The picture of one of the killed #terrorists in #AnantnagEncounter on Dec-30th matches with JeM top commander Samir Dar, who was the last surviving terrorist involved in Lethpora #Pulwama #TerrorAttack. We are going for DNA sample matching: IGP Kashmir@JmuKmrPolice
— Kashmir Zone Police (@KashmirPolice) January 1, 2022
یاد رہے ضلع پلوامہ کے لیتہ پورہ علاقے میں سی آر پی ایف کی ایک کانوائے پر 14 فروری 2019 کو خود کش حملہ ہوا تھا جس میں زائد از چالیس سی آر پی ایف اہلکار از جان ہوئے تھے۔
