(جموں) یوم جمہوریہ کی تقریبات سے پہلے کسی بھی مشتبہ نقل و حرکت پر نظر رکھنے کے لیے فورسز اہلکار پٹھانکوٹ-جموں قومی شاہراہ پر ہائی الرٹ پر ہیں۔سرکاری زرائع کے حوالے سے میڈیا رپورٹس میں کہا گیا ہے کہ ہماچل پردیش-پنجاب چوکی پر بارڈر سیکورٹی فورس کے دستوں کو ہائی وے پر سخت حفاظتی اقدام کے طور پر تعینات کیا گیا ہے۔بتایا گیا ہے کہ ہائی وے کے ساتھ سیکیورٹی سیٹ اپ ہائی الرٹ پر ہے اور چیکنگ کو تیز کر دیا گیا ہے۔ ادھرکٹھوعہ اور سانبہ میں بھی ہائی وے کے ساتھ ساتھ تمام اہم تنصیبات پر سیکورٹی سخت کر دی گئی ہے۔ ایک سینئر اہلکار نے بتایا ہے کہ تمام چیک پوسٹوں پر فورسز اہلکاروں کی نفری کو بڑھا دیا گیا ہے اور انہیں چوکس رہنے کو کہا گیا ہے۔ دریں اثناء جموں میں ہوائی اڈے اور ریلوے اسٹیشنوں سمیت اہم تنصیبات پر سیکورٹی بڑھا دی گئی ہے۔جموں کے بین الاقوامی سرحد (آئی بی) کے علاقوں کی بی ایس ایف سخت نگرانی کر رہی ہے۔نموصوف فورسز اہلکار نے مزید کہا ہے کہ دیگر علاقوں سے پٹھان کوٹ میں داخل ہونے والی تمام گاڑیوں کی اچھی طرح جانچ پڑتال کی جاتی ہے تمام تفصیلات درج کی جاتی ہیں.
