بمنہ سرینگر میں فوجی گاڑی اور کار کے مابین ٹکر، خاتون زخمی

(سرینگر) بمنہ سرینگر میں ایک نجی کار اور نیم فوجی ایس ایس بی کی بکتر بند گاڑی کے درمیان ہونے والے تصادم میں ایک خاتون زخمی ہو گئی۔ اطلاعات کے مطابق حادثہ آئی 10کار اور ایس ایس بی کی بکتر بند گاڑی کے درمیان پیش آیا جس کے نتیجے میں اقبال آباد بمنہ کے امتیاز احمد شاہ کی اہلیہ صبیہ یاسمینہ زخمی ہوگئیں جنہیں فوری طور پر ایس ایم ایچ ایس اسپتال منتقل کیا گیا ہے۔ ایک پولیس افسر نے بتایا ہے کہ خاتون کو معمولی زخم آئے ہیں اور اس سلسلے میں مقدمہ درج کر لیا گیا ہے۔