(سرینگر) دھوبی محلہ بٹہ مالو سرینگر میں مشتبہ جنگجووں نے پولیس انسپکٹر پرفائرنگ کی جس کے نتیجے میں وہ شدید طورپر زخمی ہوا ہے۔ اطلاعات کے مطابق مشتبہ جنگجووں نے اے سی بی میں تعینات پولیس انسپکٹر شیخ فردوس ولد شیخ عبدﷲ ساکن دھوبی محلہ بٹہ مالو پر نزدیک سے گولیاں چلائیں جس وجہ سے وہ زخمی ہوا اور اُس سے علاج ومعالجہ کی خاطر نزدیکی اسپتال منتقل کیا گیا۔پولیس حکام نے بتایا کہ موصوف انسپکٹر نماز مغرب کی ادائیگی کے بعد گھر کی طرف واپس آرہا تھا کہ اسی اثنا میں تاک میں بیٹھے مشتبہ ملی ٹینٹوں نے اُس پر فائرنگ کی جس کے نتیجے میں ایک گولی اُس کی گردن میں پیوست ہوئی۔پولیس کے ایک سینئر عہدیدار نے بتایا کہ ملی ٹینٹوں کی فائرنگ میں پولیس انسپکٹر کی گردن کو چوٹ لگی ہے، تاہم اُس کی حالت اسپتال میں قدرے بہتر ہے۔دریں اثنا پولیس نے آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی ہے۔
