(پونچھ) آرمی نے سرحدی سب دویژن مینڈھر میں ایک درانداز کو گرفتار کرنے کا دعویٰ کیا ہے۔ تفصیلات کے مطابق لائن آف کنٹرول کے اُس پار تحصیل ہجیرہ سے تعلق رکھنے والے ایک درانداز کو پونچھ کے سرحدی علاقہ بلنوئی مینڈھر سے حراست میں لیا گیا ہے۔ حراست میں لیے گئے مشتبہ درانداز کو اب تفتیش کے لیے فورسز کے کیمپ میں منتقل کر دیا گیا ہے۔ حکام نے بتایا کہ ضلع پونچھ کی مینڈھر سب ڈویژن کے منکوٹ علاقے میں بلنوئی کے مقام پر لائن آف کنٹرول پر آرمی نے ایک شخص کو پکڑ لیا جو لائن آف کنٹرول سے دراندازی کی کوشش کر رہا تھا۔ان کا مزید کہنا تھا کہ حراست میں لیا گیا درانداز27برس کا نوجوان ہے اور وہ پاکستان کے علاقے ہجیرہ کا رہائشی ہے۔ حکام نے بتایا کہ اب اسے آرمی کیمپ میں منتقل کر دیا گیا ہے اور پولیس کی ایک ٹیم کو بھی موقع پر پہنچا دیا گیا ہے جہاں مشترکہ پوچھ گچھ کی جائے گی۔
