(سرینگر) پولیس نے ملی ٹنٹ سرگرمیوں کے لئے استعمال شدہ جائیداد وں کو ضبط کرنے کے حوالے سے باضابط طورپر کارروائی کا آغاز کیا ہے۔
Process has started for attachment of some immovable properties which have been used for purpose of terrorism as per section 2(g) & 25 of ULP Act. Don't give shelter or harbour terrorists/ terror associates. Legal action will be supplemented by property attachments as per law.
— Srinagar Police (@SrinagarPolice) March 24, 2022
سرینگر پولیس نے ایک ٹویٹ کے ذریعے بتایا ہے کہ ”حفاظتی اداروں نے ایسی غیر منقولہ جائیدادوں کو ضبط کرنے کا باضابط طورپر آغاز کیا ہے جنہیں تخریبی سرگرمیوں، سیکورٹی فورسز اور عام شہریوں پر حملوں کی منصوبہ بندی کے لئے استعمال میں لایا جارہا تھا‘‘۔انہوں نے مزید بتایا کہ جن رہائشی مکانات و اُن عمارتوں کو ضبط کیا جائے گا جہاں پر ملی ٹینٹوں کو پناہ لینے کی سہولیات فراہم کی گئی یا اُنہیں اس قسم کی سہولیات فراہم کی گئی ہو اُنہیں ضبط کرنے کی کارروائی عمل میں لائی جا رہی ہے۔پولیس نے متنبہ کرتے ہوئے بتایا کہ ایسے لوگوں کے خلاف قانون کے مطابق سخت سے سخت کارروائی عمل میں لائی جائے گی جو ملی ٹینٹ یا اُن کے معاونت کاروں کو کسی طرح کی اعانت کاری کرنے میں ملوث پائے جائیں گے۔انہوں نے کہا کہ ایسے افراد کی جائیداد کو بھی یو ایل پی اے ایکٹ کے تحت سیل کیا جائے گا۔
