(ادھم پور ) ضلع اُدھم پور کے کیلا رام نگر علاقے میں ایک نجی گاڑی ڈرائیور کے قابو سے باہر ہو کر گہری کھائی میں جاگری جس وجہ سے 4 افراد کی موقع پر ہی موت واقع ہوئی جبکہ تین کی حالت ہسپتال میں تشویشناک بنی ہوئی ہے۔اطلاعات کے مطابق جمعرات کے روز اُدھم پور کے کیلا رام نگر کے نزدیک ایک ایکو گاڑی ڈرائیور کے قابو سے باہر ہو کر کھائی میں جاگری ۔حادثے کی اطلاع ملتے ہی پولیس اور مقامی لوگوں نے ریسکو آپریشن شروع کیا جس دوران زخمی ہوئے چھ افراد کو فوری طورپر نزدیکی اسپتال پہنچایا گیا تاہم ڈاکٹروں نے چار کو مردہ قرار دیا جبکہ تین کی حالت اسپتال میں نازک بنی ہوئی ہے۔مہلوکین میں دس سالہ لڑکا اور ڈیڑھ سال کی بچی شامل ہیں۔پولیس نے اس ضمن میں کیس درج کرکے تحقیقات شروع کی ہے۔
