(شوپیاں) شوپیان ضلع کے امام صاحب علاقے میں مشتبہ عسکریت پسندوں نے ایس او جی کیمپ پر گرینیڈ حملہ کیا۔۔ حملے میں کسی کے بھی زخمی ہونے کی اطلاع موصول نہیں ہوئی ہے. تفصیلات کے مطابق عسکریت پسندوں نے پیر کی شام ساڑھے 7 بجے امام صاحب علاقے میں واقع ایس و جی کیمپ پر پہلے گرینیڈ داغا اور بعد میں فائرنگ کی۔ اطلاعات کے مطابق طرفین میں کچھ دیر تک فائرنگ کا تبادلہ بھی ہوا۔لیکن اس حملہ میں کسی کے زخمی ہونے کی کوئی اطلاع نہیں ملی۔حملے کے فوراً بعد فورسز اہلکار کیمپ سے باہر آئے اور انہوں نے پورے علاقے کو محاصرے میں لیکر حملہ آوروں کو ڈھونڈ نے کی کارروائی شروع کی۔ علاقے مٰین رات دیر گئے تک خوف و ہراس کی صورتحال رہی۔
