(سرینگر) سرینگر کے رعناواری علاقے میں بدھ کی دیر رات شروع ہوئے تصادم میں دو مشتبہ عسکریت پسند ہلاک ہوگئے ہیں۔ پولیس کے ترجمان کے مطابق تصادم کی جگہ سے ہتھیار سمیت گولا بارود برآمد کیا گیا ہے۔ علاقے میں تلاشی کارروائی جاری ہے۔
#SrinagarEncounterUpdate: 2nd killed #terrorist has been #identified as Hilal Ah Rah of Bijbehara, a 'C' categorised terrorist. Further details shall follow.@JmuKmrPolice https://t.co/ouAvJYlivy
— Kashmir Zone Police (@KashmirPolice) March 30, 2022
مارے گئے عسکریت پسندوں کی شناخت رئیس احمد بٹ ولد عبدالحمید بٹ ساکنہ شاہ آباد ویری بیجبہاڈہ اور ہلال احمد راہ ولد سفیر احمد راہ ساکنہ کوٹھی پورہ واگہامہ بیجبہاڈہ کے بطور ہوئی ہے. پولیس نے بتایا ہے کہ مارے گئے عسکریت پسندوں کا تعلق لشکر طیبہ سے تھا. یہ بھی بتایا گیا ہے کہ رئیس احمد اس سے قبل ایک صحافی تھا، آن لائن پورٹل کشمیر نیوز ایجنسی میں بطور ایڈیٹر تھا،، اگست 2021 کو وہ عسکریت پسندوں کے ساتھ شامل ہوگیا تھا.
