امسال امر ناتھ یاترا تاریخ کی سب سے بڑی یاترا ہوگی : مرکزی اطلاعات و نشرعات سیکریٹری

(سرینگر) مرکزی وزارت اطلاعات و نشریات کے سکریٹری اپوروا چندرا کا کہنا ہے کہ امسال سالانہ شری امرناتھ یاترا جموں کشمیر کی تاریخ کی سب سے بڑی یاترا ہو گی۔انہوں نے کہا اس سال چھ سے آٹھ لاکھ یاتریوں کی یاترا متوقع ہے۔ان کا کہنا تھا کہ یاترا کو احسن طریقے سے انجام دینے کے لئے سیکورٹی اور دیگر تمام تر انتظامات کو حتمی شکل دی گئی ہے۔ موصوف نے ان باتوں کا اظہار سرینگر میں ایک پریس کانفرنس سے خطاب کرتے ہوئے کیا. اپوروا چند نے کہا کہ انفارمیشن محکمہ یاترا کی بڑی پیمانے پر تشہری کرے گی تاکہ زیادہ سے زیاد لوگ یاترا کے لیے یہاں آئے انہوں کہا کہ یاترا کے دوران ماحول کو صاف رکھنے کے لیے جموں کشمیر انتظامیہ ہر ممکن قدم اٹھائے گی تاکہ یاتریوں کو کوئی پریشانی پیش نہ آئے۔ واضح رہے کہ امرناتھ یاترا 2022 کے لیے رجسٹریشن آج سے شروع ہوگئی ہے۔ عالمی وبا کورونا وائرس کی وجہ سے 2020 اور 2021 کے دوران یاترا منعقد نہیں ہو سکی تھی، جب کہ 2019 میں جموں و کشمیر میں 5 اگست 2019 کو دفعہ 370 اور 35 اے کو ختم کرنے سے پہلے کے واقعات کی وجہ سے اس میں خلل پڑا تھا۔