(پلوامہ) ضلع پلوامہ میں آج بعد دوپہر ایک مسلح تصادم کا آغاز ہوا ، جس میں فوج کا اہلکار زخمی ہوا ہے۔ تفصیلات کے مطابق پلوامہ کے متری گام علاقے میں جنگجوئوں اور فورسز کے مابین مسلح جھڑپ شروع ہوئی ہے، پولیس کے مطابق جھڑپ کے مقام پر 2سے3جنگجو چھپے ہونے کا خدشہ ہے۔
#Encounter has started at #Mitrigam area of #Pulwama. Police and security forces are on the job. Further details shall follow.@JmuKmrPolice
— Kashmir Zone Police (@KashmirPolice) April 27, 2022
قبل ازیں علاقے میں جنگجوئوں کی موجودگی کی مصدقہ اطلاع ملنے کے بعد فورسز اور پولیس نے علاقے کو محاصرے میں لیا۔ پولیس کے مطابق جوں ہی فورسز مشتبہ مقام پر پہنچی تو وہاں چھپےعسکریت پسندوں نے ان پر فائرنگ شروع کر دی، جس سے تصادم کا آغاز ہوا۔ پولیس کے مطابق تصادم میں اب تک ایک فوجی اہلکار زخمی ہوا ہے، جسے علاج کیلئے نزدیکی ہسپتال منتقل کر دیا گیا ہے۔
