(اننت ناگ) عشمقام کے پی روڈ پر پرانے پولیس تھانے کے قریب ایک 45سالہ موٹر سائیکل سوار مبینہ طور پر نیم فوجی گاڑی کی ٹکر سے لقمہ اجل بن گیا۔ تفصیلات کے مطابق ٹکرانے کے فوراً بعد موٹر سائیکل سوار زخمی حالت میں جی ایم سی اننت ناگ منتقل کیا گیا۔ تاہم وہ بعد میں زخموں کی تاب نہ لاتے ہوئے چل بسا۔حادثے میں لقمہ اجل بنے شخص کی شناخت بلال احمد پیر ولد غلام نبی پیر ساکن لٹرو کے طور پر کی گئی۔اس دوران حادثہ کے فوراً بعد لوگوں نے مظاہرہ کیا اور قصورواروں کے خلاف کارروائی کا مطالبہ کیا۔سینئر افسران کی اس یقین دہانی کہ اس ضمن میں کیس درج کیا جائے گا، کے بعد شاہراہ پر بحال کر دی گئی۔ایک پولیس افسر نے جی این ایس کو بتایا کہ مقدمہ درج کر لیا گیا ہے اور مزید تحقیقات جاری ہیں۔
