امت نیوز ڈیسک //جنوبی کشمیر کے شوپیان ضلع میں دم گھٹنے سے گجر طبقے وابستہ ایک کنبے کی تقریباً 100 بھیڑیں ہلاک ہوگئی ہیں۔
مقامی لوگوں کے مطابق گزشتہ روز پہاڑی ضلع شوپیان کے کچھ علاقوں میں زور دار بارشیں اور ژالہ باری ہوئی جس دوران چھانچھ مرگ شوپیان میں ایک خاندان پرقیامت ٹوٹ پڑی۔
چھانچھ مرگ شوپیاں کے ایک رہائشی محمد شفیع شیخ نے بھیڑوں کو تیز بارشوں اور ژالہ باری سے بچنے کے لیے ایک کمرے میں بند کردیا، جہاں دم گھٹنے سے صبح تک قریباً 100 بھیڑ ہلاک ہوگئیں۔
مقامی لوگوں کا کہنا ہے کہ بھیڑوں کی موت دم گھٹنے کی وجہ سے ہوئی ہے۔ وہیں محکمہ پشو پالن کی ایک ٹیم بھیڑوں کی موت کی وجہ جانچنے کے لئے جائے واردات چھانچھ مرگ روانہ ہوئی ہے۔اس حوالہ سے سرکاری تصدیق اور مزید تفصیلات کا انتظار ہے۔
