نیوز ڈیسک
سری نگر//ممبر حج کمیٹی آف انڈیا (ایچ سی آئی) انجینئر اعجاز حسین نے جمعہ کو کہا کہ جموں و کشمیر سے حج 2022کی پہلی پرواز 5جون کو سری نگر بین الاقوامی ہوائی اڈے سے اڑان بھرے گی۔
خبر رساں ایجنسی نے اعجاز کے حوالے سے بتایا کہ "جموں و کشمیر سے پہلی حج 2022 پرواز 5 جون کو سری نگر کے ہوائی اڈے سے اڑان بھرے گی”۔
انہوں نے خواہشمندوں پر زور دیا کہ وہ اپنے بیگ پیک کریں اور مقدس سفر کے لیے تیار ہوجائیں۔
تفصیلات کے مطابق کووڈ ایس او پیز پر سختی سے عمل پیرا ہونے کے درمیان اس سال دنیا بھر سے 10 لاکھ مسلمان حج ادا کریں گے۔
ہندوستان سے 83000 مسلمان اور جموں و کشمیر سے تقریباً 7000 مسلمان فریضہ حج ادا کریں گے۔ حج کمیٹی آف انڈیا اس بات کو یقینی بنانے کے لیے کہ حجاج کی سہولت کے لیے تمام ممکنہ سہولیات موجود ہیں۔
