جموں//یہاں کی ایک سی بی آئی عدالت نے جموں و کشمیر کے سابق وزیر اعلی مفتی محمد سعید کی بیٹی روبیہ سعید کو 1989میں اغوا سے متعلق ایک معاملے میں 15 جولائی کو عدالت کے سامنے حاضر ہونے کے لیے سمن جاری کیا ہے۔
یہ پہلا موقع ہے جب روبیہ سعید کو کیس میں پیش ہونے کے لیے کہا گیا ہے۔
یاد رہے کہ 1889کی دہائی میں روبیہ سعید کے اغوا کے بعد پانچ بڑے عسکریت پسندوں کی رہائی کروائی گئی تھی، جس کے روبیہ کو رہا کر دیا گیا تھا۔
روبیہ سعید، جو تمل ناڈو میں رہتی ہیں، کو سی بی آئی نے استغاثہ کے گواہ کے طور پر درج کیا ہے۔ سی بی آئی نے 1990 کے اوائل میں اس کیس کی تحقیقات سنبھالی تھیں۔
کالعدم جے کے ایل ایف کے سربراہ یاسین ملک جنہیں حال ہی میں دہشت گردی کی مالی معاونت کے ایک مقدمے میں عمر قید کی سزا سنائی گئی ہے، روبیہ سعید اغوا کیس میں ملزم ہے.
