امت نیوز ڈیسک // کشمیر یونیورسٹی کے شعبہ قانون میں زیر تعلیم طلبہ کے مابین آپسی جھگڑے میں ایک طالب علم زخمی ہو گیا ۔ ادھر یونیورسٹی انتظامیہ نے اس معاملے کو ’معمول کا عمل‘ قرار دیتے ہوئے کہا مسئلہ حل کر دیا گیا ہے۔“ کشمیر یونیورسٹی کے شعبہ قانون میں بدھ کی صبح اس وقت افرا تفری کا ماحول پھیل گیا جب شعبہ میں زیر تعلیم طلباءکے مابین جھگڑ ہوا گیا ۔ یونیورسٹی کے ایک طالب علم نے بتایا کہ شعبہ قانون کے 10ویں سمسٹر کے طلباءکلاس روم میں داخل ہوئے اور 7ویں سمسٹر کے ایک طالب علم کو کھینچتے ہوئے کلاس سے باہر لے گئے اس طالب علم کے ساتھ مار پیٹ شروع کر دی۔ طالب علم نے دعویٰ کیا کہ ’سینئر طلبہ نے ہمارے ساتھی پر چاقو سے حملہ کیا جس کے نتیجے میں وہ زخمی ہو گیا۔ انہوں نے مزید کہا کہ زخمی طالب علم کو فوری طور ہسپتال پہنچایا گیا جہاں اس کی حالت مستحکم ہے ۔ ہسپتال انتظامیہ کا کہنا ہے کہ دانش حاجی نامی زخمی طالب علم کے سینے میں چھرا گھونپا گیا ہے اسکے علاوہ انکے بدن کے کئی اعضاءپر بھی وار کرکے انہیں زخمی کیا گیا ہے۔ ہسپتال انتظامیہ کے مطابق فوری طبی امداد کے بعد زخمی طالب علم کو رخصت کیا گیا ۔ ادھر یونیورسٹی انتظامیہ نے اس معاملے کو ’معمول کا عمل‘ قرار دیتے ہوئے کہا مسئلہ حل کر دیا گیا ہے۔“
