سری نگر //جموں و کشمیر میں مسلسل بارش نے کئی اضلاع میں حکام کو دسویں جماعت تک تدریسی عمل معطل کرنے پر مجبور کر دیا ہے۔
ضلع انتظامیہ اننت ناگ نے شدید بارش کے پیش نظر ہائی سکول سطح تک کے سکولوں کو بند کرنے کا حکم دیا ہے۔
ڈپٹی کمشنر اننت ناگ، ڈاکٹر پیوش سنگلا نے ٹویٹ کیا، "اننت ناگ ضلع میں بہت زیادہ بارش کے پیش نظر، ضلع کے تمام پرائمری، مڈل اور ہائی سکولوں میں آج تدریسی معطل رہے گا”۔
رام بن ضلع میں بھی بدھ کو ہائی سکول کی سطح تک کے تعلیمی ادارے بند رہیں گے۔
ضلع رام بن میں متعدد مقامات پر شدید بارش اور نالہ بہہ جانے کے پیش نظر، تمام پرائمری، مڈل اور ہائی سکول آج بند رہیں گے۔ احکامات الگ سے جاری کیے جائیں گے۔
حکام کی طرف سے اس سلسلے میں جاری کردہ ایک عوامی نوٹس میں کہا گیا ہے۔ اسی طرح کے احکامات کولگام، بارہمولہ اور کپواڑہ اضلاع کی ضلع انتظامیہ نے بھی جاری کیے ہیں۔
تفصیلات کے مطابق گزشتہ کئی روز سے جاری شدید بارشوں کی وجہ سے جون میں درجہ حرارت تقریباً 50 سالوں میں سب سے کم ریکارڈ کیا گیا ہے.
