سری نگر:سرینگر جموں قومی شاہراہ جمعرات کے روز دو طرفہ ٹریفک کے لئے بند رہے گی۔ سرکاری ذرائع نے بتایاکہ موسلا دھار بارشوں کے نتیجے میں شاہراہ پر جگہ جگہ پسیاں گر آئی ہے جس وجہ سے اُنہیں ہٹانے میں کافی وقت درکار ہوگا۔ انہوں نے بتایا کہ گر چہ شاہراہ کو قابل آمدورفت بنانے کی خاطر ہنگامی بنیادوں پر کام شروع کیا گیا ہے تاہم اس میں مزید کچھ وقت لگ سکتا ہے.
اُن کے مطابق جمعرات کے روز شاہراہ دو طرفہ ٹریفک کے لئے بند رہیں گے لہذا مسافروں اور ڈرائیوروں سے التجا ہے کہ وہ جمعرات کو اس شاہراہ پر سفر کرنے سے گریز کریں۔ حکام نے بتایا کہ دیول برج کے نزدیک 125میٹر شاہراہ کو نقصان پہنچا ہے جبکہ کیفٹ ایریا ، بیٹری چشمہ کے نزدیک بھاری برکم پسیاں گر آئیں ہیں۔
انہوں نے کہاکہ شاہراہ کو قابل آمدورفت بنانے کی خاطر کام جاری ہے۔ بتادیں کہ منگل اور بدھ کی درمیانی شب کو سری نگر جموں شاہراہ پرموسلا دھار بارشوں کے نتیجے میں پہاڑی سے بھاری برکم پتھر نیچے گر آئے جس وجہ سے شاہراہ کو شدید نقصان پہنچا ہے..
