جموں//مرکزی وزیر دفاع راج ناتھ سنگھ نے اتوار کو کہا کہ ہندوستان پڑوسی ملک کے ساتھ دوستی چاہتا ہے لیکن پاکستان کا رویہ بالکل مختلف ہے۔ انہوں نے کہا کہ آزادی کے بعد، جموں و کشمیر ایک “جنگی تھیٹر” بن گیا لیکن فوجیوں اور دیگر سیکورٹی فورسز کی عظیم قربانیوں کی وجہ سے، ہندوستان کی سالمیت اور خودمختاری کو نقصان پہنچانے کی تمام بیرونی کوششوں کو ناکام بنا دیا گیا۔
کرگل وجے دیوس کے حوالے سے جموں میں ایک تقریب سے خطاب کرتے ہوئے سنگھ نے کہا کہ ہندوستان تیزی سے دنیا کی بہترین جمہوریت اور سپر پاور بن کر ابھرا ہے۔
یاد رہے کہ راج ناتھ سنگھ اس وقت کرگل جنگ کے شہیدوں کی یاد میں جموں کے دورے پر آئے ہیں۔
اسی دوران اُنہوں نے کہا، “ہم اپنے پڑوسی کے ساتھ دوستی چاہتے ہیں لیکن پتہ نہیں پاکستان کیوں مختلف رویہ اختیار کر رہا ہے۔ پاکستان کا رویہ بالکل مختلف ہےـ”۔ انہوں نے کہا کہ کرگل جنگ کے دوران پاکستانی درانداز بھارتی حدود میں گھس آئے تھے لیکن جب بھارتی فوجیوں نے حملہ کیا تو پاکستانی فوجیوں اور دراندازوں کو بھارتی چوکیوں سے بھاگنا پڑا۔
سنگھ نے کہا،” وکرم بترا کرگل جنگ کے عظیم ہیرو ہیں۔ کرگل جنگ کے دوران ملک کی حفاظت کے لیے اپنی جانوں کا نذرانہ پیش کرنے والے سینکڑوں ہیروز ہیں۔ میں اپنے تمام شہداء کو خراج عقیدت پیش کرتا ہوں جنہوں نے دراندازی کرنے والے کو پاکستان واپس دھکیلنے کے لیے اپنی جانیں قربان کیں”۔
سنگھ نے کہا، ’’پچھلی تمام جنگیں 1961سے1975کی ہوں، پاکستان نے شکست کا سامنا کیاہے۔1962کی چین-بھارت جنگ کے بارے میں بات کرتے ہوئے سنگھ نے کہا کہ بھارت نے 1962کی جنگ کے جو نشانات چھوڑے ہیں وہ ٹھیک نہیں ہو پائے ہیں۔
سنگھ نے کہا کہ آج ہندوستان وزیر اعظم نریندر مودی کے”میڈ اِن انڈیا، میک فار دی ورلڈ” کے نعرے کے تحت سب سے تیز ہتھیار برآمد کرنے والے ملک کے طور پر ابھر رہا ہے۔
سنگھ نے کہا، ’’ہم کل دفاعی بجٹ کا 68فیصد حصہ ملک کے اندر ہتھیاروں کی تیاری پر خرچ کر رہے ہیں‘۔
