سری نگر// شمالی کشمیر کے کھائی پورہ ٹنگمرگ میں سیکورٹی فورسز نے مصدقہ اطلاع موصول ہونے کے بعد جنگجو مخالف آپریشن شروع کیا۔
ذرائع نے بتایا کہ 29آر آر، سی آر پی ایف اور ایس او جی نے منگل کی صبح کھائی پورہ ٹنگمرگ گاوں کو محاصرے میں لے کر جگہ جگہ رکاوٹیں کھڑی کیں۔
مذکورہ ذرائع کے مطابق سیکورٹی فورسز نے کئی گھنٹوں تک علاقے کی تلاشی لی تاہم اس دوران کوئی قابل اعتراض شئے برآمد نہیں ہوئی جس کے بعد کارڈن اینڈ سرچ آپریشن اختتام کو پہنچا۔
بتا دیں کہ شمالی و جنوب میں سیکورٹی فورسز نے سرگرم ملی ٹینٹوں کے خلاف بڑے پیمانے پر جنگجو مخالف آپریشن شروع کیا ہے۔
پولیس کے ایک سینئر عہدیدار نے بتایا کہ سرگرم ملی ٹینٹوں کے خلاف آپریشن جاری رہیں گے۔
انہوں نے بتایا کہ رواں سال کے دوران سیکورٹی فورسز کو جنگجو مخالف آپریشنز کے دوران بڑی کامیابیاں ملی ہیں جس وجہ سے وادی کشمیر میں ملی ٹینسی کو بڑا دھچکا لگا ہے.
