سرینگر///مرکزی کابینہ سیکریٹری نے جموں کشمیر حکومت سے کہا ہے کہ ہر گھر ترنگا مہم کو عوامی شراکت داری مہم بنانے کےلئے حکومت کا طریقہ اپنائیں ۔ حکومت نے فلیگ کوڈ میں ترمیم کی ہے تاکہ لوگ اب ہر گھر ترنگا مہم سے پہلے دن رات اپنے گھروں پر ترنگا لہرا سکیں۔کابینہ سیکرٹریٹ نے تمام سیکرٹریوں کو کہا کہ مختلف وزارتوں اور محکموں کو خصوصی سرگرمیوں کے ذریعے ادارہ جاتی مشینری کے کاموں کو بڑھایا جائے اور عوام کی شرکت کو یقنینی بنایا جائے۔ ہر گھر ترنگا کو ایک عوامی تحریک بنایا جائے اور زندگی کے تمام شعبوں کے شہریوں کو شامل کیا جائے۔کابینہ سکریٹری راجیو گوبا نے تمام وزارتوں سے کہا ہے کہ وہ ہر گھر ترنگا مہم کے سلسلے میں پوری حکومت کا طریقہ اپنائیں اور اسے زیادہ سے زیادہ جن بھاگداری (عوام کی شمولیت) کے ساتھ عوام پر مبنی تحریک بنائیں۔ وزیر اعظم نریندر مودی نے اس ہفتے شہریوں سے 13 سے 15 اگست تک اپنے گھروں پر قومی پرچم لہرانے کی اپیل کی۔کابینہ سکریٹری نے اس مہم پر 18 جولائی کو سیکرٹریز کی کمیٹی (سی او ایس) کی میٹنگ کی جس کے بعد کچھ ہدایات جاری کی گئیں۔ جس میں تمام سیکرٹریوں سے تعاون اور قیادت کی درخواست کی۔ اس میں کہا گیا ہے کہ تمام وزارتیں اور محکمے پوری حکومت کا طریقہ اپنا سکتے ہیں اور وزارت ثقافت کے ساتھ مل کر کام کر سکتے ہیں تاکہ اس بات کو یقینی بنایا جا سکے کہ ‘ہر گھر ترنگا’ کے مقاصد کو مکمل طور پر حاصل کیا جائے۔کابینہ سیکرٹریٹ نے تمام سیکرٹریوں کو کہا کہ مختلف وزارتوں اور محکموں کو خصوصی سرگرمیوں کے ذریعے ادارہ جاتی مشینری کے کاموں کو بڑھایا جائے اور عوام کی شرکت کو یقنینی بنایا جائے۔ ہر گھر ترنگا کو ایک عوامی تحریک بنایا جائے اور زندگی کے تمام شعبوں کے شہریوں کو شامل کیا جائے۔
