امت نیوز ڈیسک //
میڈیا کے نمائندوں سے بات کرتے ہوئے راجہ سنگھ نے کہا کہ ان کے کچھ حامیوں نے منور فاروقی کے شو کے آن لائن ٹکٹ خریدے ہیں اور وہ پروگرام کو روکنے کی ہر ممکن کوشش کریں گے۔ بی جے پی ایم ایل اے نے پولیس سے پروگرام کے لیے جاری کردہ اجازت نامہ منسوخ کرنے کا مطالبہ کیا۔
حیدر آباد کے حلقہ گوشہ محل سے بی جے پی کے رکن اسمبلی راجہ سنگھ کو جمعہ کے روز سٹی پولیس نے حفاظتی تحویل میں لے لیا،بتایاجارہا ہے کہ راجہ سنگھ کو پولیس نے اس وقت گرفتار کیا جب وہ شلپا کلا ویدیکا کے سیٹ کو نذر آتش کرنے جارہے تھے، جہاں اسٹینڈ اپ کامیڈین منور فاروقی ہفتہ کو پرفارم کرنے والے ہیں۔
ذرائع کے مطابق جس وقت پولیس راجہ سنگھ کو گرفتار کر کے لے جارہی تھی اسی وقت راجہ سنگھ کے حامیوں نے پولیس کی گاڑی کو گھیر لیا،اس کے بعد پولیس اہلکاروں نے ان کے حامیوں کے ایک طرف دھکا دے کر پیچھے ہٹاکر راجے سنگھ کو اپنے ساتھ لے گئی ۔
ادھرمیڈیا کے نمائندوں سے بات کرتے ہوئے راجہ سنگھ نے کہا کہ ان کے کچھ حامیوں نے منور فاروقی کے شو کے آن لائن ٹکٹ خریدے ہیں اور وہ پروگرام کو روکنے کی ہر ممکن کوشش کریں گے۔ بی جے پی ایم ایل اے نے پولیس سے پروگرام کے لیے جاری کردہ اجازت نامہ منسوخ کرنے کا مطالبہ کیا۔
راجہ سنگھ نے کہا کہ “اگر ہم سب کو گرفتار کر کے جیل بھیج دیا جاتا ہے اور شو آگے بڑھتا ہے تو ہم آپ کو 22 اگست کو دکھائیں گے جہاں ہم ایک اور کامیڈی شو کا اہتمام کر رہے ہیں۔ اگر امن و امان خراب ہوتا ہے تو تلنگانہ کے ڈی جی پی اور وزیر داخلہ اس کے ذمہ دار ہیں”۔
رکن اسمبلی راجہ سنگھ کو گرفتار کرنے کا مطالبہانہوں نے الزام عائد کیا کہ منور فاروقی نے بھگوان رام اور سیتا کو نشانہ بنا کر ہندو برادری کے جذبات کو ٹھیس پہنچائی ہے۔ "مختلف ریاستوں میں منور فاروقی کے شوز منسوخ کر دیے گئے تھے۔
