سری نگر،. سری نگر کے شیر کشمیر انٹرنیشنل کنوکیشن سینٹر میں ہفتے کے روز 21 ویں نیورو پیڈکین کانفرنس شروع ہوئی جس میں ملک کے ممتاز اداروں سے آئے ہوئے نیورو لو جسٹ کشمیر کے ڈاکٹروں کے ساتھ اپنے تجربات شیئر کریں گے۔
کانفرنس کے دوران گورنمنٹ میڈیکل کالج سری نگر میں شعبہ پیڈیا ٹرکس کے پروفیسر اور سر براہ ڈاکٹر مظفر جان نے اپنے استقبالیہ خطبے میں کہا کہ بچوں میں اعصابی بیماریاں عام طور پر پائی جاتی ہیں اور ضرورت اس بات کی ہے ہم اپنے آپ کو اپ ڈیٹ رکھیں۔انہوں نے کہا کہ سری نگر میں یہ کانفرنس 33 برسوں کے طویل عرصے کے بعد منعقد ہو رہی ہے۔
ان کا کہنا تھا کہ اس نوعیت کی کانفرنسوں اور ورک شاپوں سے ماہرین کو اپنے اپنے تجربات شئیر کرنے کا موقع ملتا ہے۔
موصوف ڈاکٹر نے امید ظاہر کی کہ کانفرنس کے اگلے دو دنوں کے انہیں کانفرنس میں شریک نامور ڈاکٹروں سے کافی تجربہ حاصل ہوگا۔انہوں نے کہا کہ بچوں میں اعصابی بیماریاں عام طور پر پائی جاتی ہیں۔
ڈاکٹر جان نے کہا کہ ہسپتالوں میں داخل ہونے والے بچوں میں سے 10 سے15 بچوں کو اعصابی مسائل ہوتے ہیں۔ان کا کہنا تھا کہ بمنہ میں قائم پانچ سو بستروں پر مشتمل سپر سپشلٹی ہسپتال کو ایک ہفتے کے اندر چالو کیا جائے گا۔انہوں نے جی ایم سی سری نگر کے پیڈیاٹرک سیکشن کو اپ گریڈ کرنے پر حکومت کا شکریہ ادا کیا۔ان کا کہنا تھا: ’ہم اگلے دس پندرہ برسوں میں ایک پیڈیا ٹرک سپر سپیشلٹی ٹریننگ انسٹی ٹیوٹ قائم کرنے پر غور کر رہے ہیں‘۔
ڈاکٹر جان نے کہا کہ جموں و کشمیر کے ہر گوشے میں تربیت یافتہ پیڈیا ٹرک سپر سپیشلسٹس ہوں گے۔انہوں نے کہا کہ نو زائد بچوں کے اموات کی شرح سال 2015 میں 32.4 تھی جو سال2020 میں 16.3 ریکارڈ ہوئی ہے۔
