امت نیوز ڈیسک //
جموں: جموں و کشمیر کے سرمائی دار الحکومت جموں میں کشمیری پنڈت مظاہرہ کررہے ہیں۔ مظاہرین مطالبہ کررہے ہیں کہ ان کی باز آبادکاری کا انتظام کیا جائے۔ کشمیری پنڈتوں کی ایک بڑی تعداد نے 1989 میں کشمیر سے اس وقت نقل مکانی کی تھی جب کشمیر وادی میں علیحدگی پسندوں نے بندوق کا راستہ اختیار کرکے حکومت کے خلاف ایک مہم شروع کی تھی۔
یہ پنڈت ادھم پور اور جموں میں منتقل ہوگئے جہاں حکومت نے انہیں عارضی ٹھکانے فراہم کیے۔ بعد میں کئی پنڈت ملک کے مختلف شہروں میں بھی منتقل ہوگئے۔
پنڈتوں کا الزام ہے کہ حکومتوں نے ان کی مکمل باز آبادکاری کے انتطامات نہیں کیے جب کہ حکومت کا کہنا ہے کہ پنڈتوں کے لیے اب تک ہزاروں کروڑ روپے خزانۂ عامہ سے جاری کیے گئے ہیں۔(ای ٹی وی بھارت)
