امت نیوز ڈیسک //
سعودی عرب نے اپنے گروپ میچ میں ارجنٹائن کو ہرا کر ایونٹ میں بڑا اپ سیٹ کردیا۔
قطر میں کھیلے جارہے فیفا ورلڈ کپ 2022 میں سعودی عرب اور ارجنٹائن گروپ میچ میں آمنے سامنے تھے۔
میچ کے پہلے ہاف میں لیونل میسی نے پیلنٹی کک پرگول کرکے ارجنٹائن کو برتری دلادی۔
سعودی عرب نے دوسرے ہاف میں یکے بعد دیگرے 2 گول کردیئے۔ پہلا گول صالح الشہری جب کہ دوسرا گول سلیم الدوسری نے کیا۔
ارجنٹائن نے سعودی برتری کے خاتمے کے لئے مخالف گول پوسٹ پر تابڑ توڑ حملے کئے لیکن سعودی کھلاڑیوں نے ان حملوں کو ناکام بنادیا۔
