امت نیوز ڈیسک //
بارڈر سیکورٹی فورس نے پنجاب کے ترن تارن ضلع کے کالیا گاؤس کے نزدیک ایک پاکستانی ڈرون کو مار گرایا۔ سیکیورٹی فورس نے ڈرون سے تین کلو سے زائد ہیروئن بھی برآمد کی ہے۔ بی ایس ایف کے تعلقات عامہ کے ایک افسر نے اتوار کو بتایا کہ ہفتہ کی رات تقریباً 22:46 بجے سرحد پر تعینات بارڈر سکیورٹی فورس کے اہلکاروں نے ترن تارن ضلع کے کا لیا گاؤں کے نزدیک پاکستان سے ہندوستانی علاقے میں داخل ہونے والے مشتبہ ڈرون کی آواز سنی۔ مقررہ مشق کے مطابق فوجیوں نے مشکوک اڑنے والی چیز کو گولی مار کر روکنے کی کوشش کی۔ پورے علاقے کو فوری طور پر گھیرے میں لے لیا گیا اور پولیس اور متعلقہ اداروں کو اطلاع کر دی گئی۔ اس کے بعد علاقے کی مکمل تلاشی کے دوران بی ایس ایف اور پنجاب پولیس کی ٹیم نے گاؤں کا لیا کے نزدیک کھیتی کے کھیت میں ایک کواڈ کا پٹرڈی جے میٹریس ( وزن تقریبا 2 7 کلو گرام) برآمد کیا۔ مزید تلاشی کے دوران ہیروئن کے مشتبہ تین پیکٹ ( وزن تقریباً3.068 کلو گرام) بھی برآمد ہوئے۔
اس سے پہلے ہفتہ کی صبح بی ایس ایف نے فاضل کا کے ایک سرحدی گاؤں میں ڈرون کے ذریعے گرائے گئے تقریباً25 کلو گرام ہیروئن، ایک پستول اور 50 کار توس برآمد کیے تھے۔
