امت نیوز ڈیسک //
سرینگر: سرینگر میونسپل کارپوریشن (ایس ایم سی) کے کمشنر بشیر احمد بٹ کا کہنا ہے کہ ممکنہ برف باری کے پیش نظر ایس ایم سی نے تمام تر انتظامات کیے ہیں۔
انہوں نے کہا کہ ایس ایم سی کے پاس پہلے ہی برف صاف کرنے کے لئے چالیس مشینیں موجود ہیں اور ایس ایم سی مزید چالیس میشنوں کو تعینات کر رہے ہیں۔موصوف کمشنر نے ان باتوں کا اظہار پیر کو یہاں نامہ نگاروں کے سوالوں کا جواب دینے کے دوران کیا۔
انہوں نے کہا کہ ’برف صاف کرنے کے لئے ہم تیار ہیں، ہمارے پاس پہلے ہی چالیس مشینیں ہیں اور ہم مزید چالیس مشینوں کو تعینات کر رہے ہیں‘۔
ان کا کہنا تھا کہ ہم نے ممکنہ برف باری کے پیش نظر تمام تیاریاں کی ہیں۔بٹ نے کہا کہ ہر سال وارڈ کے لحاظ سے ایکشن پلان بنایا جاتا ہے۔انہوں نے کہا کہ سال گزشتہ بھی فوری طور برف کو سڑکوں سے صاف کیا گیا تھا۔
سری نگر میں موسم کی سرد ترین رات ریکارڈ کی گئیبتادیں کہ محکمہ موسمیات نے وادی کشمیر میں 9 دسمبر کی شام سے 10 دسمبر کی شام تک برف باری کی پیش گوئی کی ہے۔
واضح رہے کہ محکمہ موسمیات کے مطابق وادی کشمیر میں 9 اور10 دسمبر کو میدانی علاقوں میں ہلکی برفباری ہوئی جبکہ بالائی علاقوں میں ہلکے سے درمیانی درجے کی برفباری کا امکان ظاہر کیا جارہا ہے۔ برفباری کا سلسلہ 9 دسمبر کی رات سے شروع ہو کر 10 دسمبر کی رات تک جاری رہنے کا امکان ہے۔ (یو این آئی)
