امت نیوز ڈیسک //
سرینگر:ڈاکٹر روشن آرا کو کشمیر یونیورسٹی کے سنٹر فار وومن اسٹیڈیز اینڈ ریسرچ کا کارڈنیٹر مقرر کیا گیا ہے۔ اسسٹنٹ ریسرچ پروفیسر ڈاکٹر روشن کو خواتین کو بااختیار بنانے، رضاکارنہ کاموں اور تعلیمی شعبے میں نمایاں کارکردگی کے لیے متعدد اعزازت سے نوازا گیا ہے۔ ڈاکٹر روشن آرا کو 2012 میں ان کی بہترین کارکردگی پر بہترین استاد ہونے کے قومی خطاب سے بھی سرفراز کیا گیا ہے۔
کشمیر یونیورسٹی میں کام کرنے سے قبل روشن آرا دو دہائیوں تک جموں وکشمیر میں محکمہ تعلیم میں اپنے فرائض انجام دے چکی ہیں۔ ڈاکٹر روشن آرا نے پی ایچ ڈی کی ڈگری حاصل کرنے سے قبل اکنامکس، کامرس اور وومن اسٹیڈیز میں ماسٹرس ڈگری حاصل کی ہے۔ ڈاکٹر روشن تین کتابوں کی مصنفہ بھی ہیں، وہیں ان کے اب تک 30 سے زائد مقالے جرائد اور کتابوں میں شائع ہو چکے ہیں۔
