امت نیوز ڈیسک //
چٹاگانگ: ہندوستانی کرکٹر ویراٹ کوہلی نے قطر میں جاری فیفا ورلڈ کپ 2022 سے پرتگال کے باہر ہونے کے بعد پرتگالی فٹبالر کرسٹیانو رونالڈو کو اب تک کا سب سے بڑا کھلاڑی قرار دیا ہے۔
کوہلی نے پیر کو ٹویٹ کیاکہ ٹرافی یا ٹائٹل اس سے کم نہیں ہے جو آپ نے اس کھیل اور دنیا بھر کے کھیلوں کے شائقین کے لئے کیا ہے۔ اس سے کوئی ٹرافی یا کوئی خطاب کچھ بھی کمتر نہیں ہے۔ کوئی بھی خطاب لوگوں پر آپ کے اثرات کی یا اس بات کی گواہی نہیں دے سکتا کہ جب ہم آپ کو کھیلتے ہوئے دیکھتے ہیں تو میں اور پوری دنیا میں آپ کے شائقین کیا محسوس کرتے ہیں۔ یہ خدا کی طرف سے تحفہ ہے۔
پرتگال ہفتہ کو کوارٹر فائنل میں مراکش کے ہاتھوں 0-1 سے شکست کھا کر ورلڈ کپ سے باہر ہو گیا تھا۔ تجربہ کار اسٹرائیکر رونالڈو دوسرے ہاف میں متبادل کے طور پر میدان میں آئے لیکن اثر کرنے میں ناکام رہے۔ ٹورنامنٹ سے باہر ہونے کے بعد وہ میدان میں ٹوٹتے نظر آئے۔
کوہلی نے کہا کہ ایک ایسے آدمی کے لئے نیک خواہشات جو ہر وقت دل سے کھیلتا ہے اور محنت اور لگن کا مظہر ہے۔ آپ کسی بھی کھلاڑی کے لئے حقیقی تحریک ہیں۔ آپ میرے لئے اب تک کے سب سے بڑے کھلاڑی ہیں۔
یہ ممکنہ طور پر 37 سالہ رونالڈو کا آخری ورلڈ کپ تھا۔ پرتگال کے کوچ فرنینڈو سانتوس نے انہیں آخری دو میچوں کے لئے ابتدائی الیون میں شامل نہیں کیا اور وہ متبادل کے طور پر میدان میں آئے تھے۔
