امت نیوز ڈیسک //
سری نگر،18 دسمبر (یو این آئی) آگ کی وارداتوں میں ہورہے اضافے کے پیش نظر سری نگر پولیس نے ضلع میں ہیٹنگ آلات بیچنے والی دکانوں کی چیکنگ کے لئے زور دار مہم شروع کی ہے۔
پولیس کا کہنا ہے کہ غیر معیاری اور نقلی ہیٹنگ آلات بیچنے والوں کے خلاف تحت قانون کارروائی عمل میں لائے جائے گی۔
پولیس ذرائع نے بتایا کہ سری نگر کے کئی علاقوں میں پولیس کی ٹیموں نے ہیٹنگ آلات بیچنے والی دکانوں کی چیکنگ کا سلسلہ شروع کیا ہے۔
سری نگر پولیس نے اپنے ایک ٹویٹ میں کہا: ’ڈی ایس پی اور ایس ایچ او کی سربراہی میں ہماری ٹیموں نے ہیٹنگ آلات بیچنے والی دکانوں کی چیکنگ کا سلسلہ شروع کیا ہے‘۔
ٹویٹ میں کہا گیا کہ غیر معیاری اور نقلی ہیٹنگ آلات بیچنے والوں کے خلاف تحت قانون کارروائی عمل میں لائی جائے گی۔
پولیس نے لوگوں سے بھی اس سلسلے میں تعاون کرنے کی اپیل کی ہے۔
بتادیں کہ وادی میں سردیاں شروع ہونے کے ساتھ ہی لوگ گرمی کے لئے الیکٹرانک آلات کا استعمال کرتے ہیں۔
