امت نیوز ڈیسک //
جموں:جموں وکشمیر پولیس کے سربراہ دلباغ سنگھ نے پیر کے روز کہا کہ ملیٹینسی کو فروغ دینے کی خاطر جتنی بھی تعمیرات کھڑی گئی اُن کی نشاندہی کی خاطر اقدامات اُٹھائے جارہے ہیں۔ انہوں نے بتایا کہ کوئی بھی وہ چیز جو ملیٹینسی کو بڑھاوا دینے کے لئے استعمال میں لائی جارہی ہیں اُس کو سیل اور مسمار کرنا قانون کے دائرے میں آتا ہے اور اس طرح کی مہم مستقبل میں بھی جاری رہے گی۔ان باتوں کا اظہار موصوف نے کٹھوعہ میں نامہ نگاروں سے بات چیت کے دوران کیا۔
انہوں نے کہا کہ جموں وکشمیر میں بہت سارے امن دشمن لوگ موجود ہیں جن کی نشاندہی کی خاطر اقدامات اُٹھائے گئے ہیں۔انہوں نے بتایا کہ ملیٹینسی کے نام پر جموں وکشمیر میں ایسے وسائل اور عمارتیں تعمیر کی گئی ہیں جو ملیٹینسی کو زندہ رکھنے کے لئے کسی نہ کسی صورت میں اپنا کام کر رہی ہیں ملیٹینسی کو فروغ دینے کی خاطر جتنی بھی تعمیرات بنائی گئی اُنہیں سیل یا مسمار کیا جائے گا، پولیس سربراہانہوں نے کہا کہ ایسے اثاثوں، جائیدادوں کی ایک ایک کرکے نشاندہی کی جارہی ہیں اور قانون کے دائرے میں رہ کر اُنہیں مسمار کیا جائے گا۔دلباغ سنگھ کے مطابق عسکریت پسندی نے جموں وکشمیر کے لوگوں کو کافی زخم دئے ہیں،لہذا اس کا قلع قمع کرنے کی خاطر سکیورٹی ایجنسیاں زمینی سطح پر کام کر رہی ہیں۔
پولیس سربراہ نے کہا کہ کوئی بھی وہ چیز جو عسکریت پسندی کو فروغ دینے کے لئے استعمال میں لائی جارہی ہیں اُس کو سیل اور مسمار کرنا قانون کے دائرے میں آتا ہے اور یہ مہم مستقبل میں جاری رہے گی۔منشیات کے بارے میں پوچھے گئے سوال کے جواب میں پولیس سربراہ نے کہا کہ یہ پاکستان کی نئی سازش ہے اور وہ ڈرگس کے ذریعے یہاں کے نوجوانوں او سماج کو ٹارگیٹ کرنے کا خواہاں ہے۔انہوں نے کہا کہ حالیہ ایام میں پولیس نے بڑی مقدار میں منشیات کی اشیاء کو ضبط کیا جو ملک کی مختلف ریاستوں تک پہنچانی تھی۔
دلباغ سنگھ کے مطابق منشیات کے کاروبار میں ملوث افراد کے خلاف سخت کارروائی عمل میں لائی جارہی ہیں اور جو کوئی بھی اس میں ملوث ہوگا اُس کے خلاف قانون کے مطابق کارروائی عمل میں لائی جائے گی۔انہوں نے بتایا کہ جموں وکشمیر کے مختلف اضلاع میں نئے ڈرگ ڈی ایڈکشن سینٹر کے قیام پر غور وغوض ہو رہا ہے۔
ٹی آر ایف کی جانب سے دھمکی دینے کے بارے میں پوچھے گئے سوال کے جواب میں پولیس سربراہ نے کہا کہ ایسا افرا تفری پیدا کرنے کی خاطر کیا جارہا ہے۔ ٹی ایف آر کے عسکریت پسند پولیس کے ہمارے نشانے پر ہیں اور دھمکیاں دینے والوں کو بہت جلد سبق سکھایا جائے گا۔(یو این آئی )
