امت نیوز ڈیسک //
سرینگر:جموں و کشمیر وقف بورڈ نے اپنے ایک غیر معمولی فیصلے کے تحت درگاہ حضرت بل میں کسی بھی قسم کی تصویر کشی اور ویڈیو گرافی پر پابندی لگا دی ہے ۔ بورڈ کے مطابق اجازت کے بغیر کوئی بھی شخص نہ ہی باہر اور نہ ہی درگا کے اندر کسی قسم کی تصویر کشی یا ویڈیو گرافی کرسکتا ہے۔ ایسے میں ویڈیو شوٹنگ یا تصویر کشی کرنے والے خواہش مند افراد کو بورڈ سے پیشگی اجازت حاصل کرنے ہوگی۔
جموں و کشمیر وقف بورڈ کی جانب سے یہ حکمنامہ انجمن و اوقاف جامع مسجد سرینگر کی جانب سے جاری کردہ اس حکمنامہ کے چند روز بعد آیا ہے جس میں انجمن و اقاف نے ایک اہم فیصلے کے تحت جامع مسجد سرینگر کے اندر مرد اور خواتین کے ایک ساتھ بیٹھنے اور فوٹو گرافی پر پابندی عائد کی ہے۔۔
فیصلے کے تناظر جامع مسجد کے مین گیٹ پر نوٹس چسپاں کی گئی تھی جس پر لکھا گیا کہ مسجد شریف کے اندر فوٹو گرافی پر پابندی عائد کی گئی لہذا کوئی اندر کیمرا نہیں لے جائے۔
اسی فیصلے کے پیس منظر میں اب جموں وکشمیر وقف بورڈ نے بھی درگاہ حضرت بل میں ویڈیو گرافی اور تصویریں کشی پر بغر اجازت کے مکمل طور ہابندی عائد کی ہے۔
قابل ذکر ہے کہ نومبر کے ماہ میں تاریخی جامع مسجد دہلی انتظامیہ نے لڑکیوں کو جامع مسجد کے صحن میں جانے کے لیے پابندی عائد کی تھی جس کے بعد اس فیصلے کو بعد میں ہٹا دیا گیا تھا۔
