امت نیوز ڈیسک //
راجوری:سرحدی ضلع راحوری کے مرادپور علاقہ میں ایک گھر کے نزدیک، مشکوک حالت میں ایک شخص کو دیکھا گیا۔ ذارئع کے مطابق ایک رہائشی گھر کے پاس ایک شخص کو مشکوک حالت میں دیکھا گیا جس کے بعد ایک مقامی شخص نے ذاتی بندوق بارہ بور سے اس شخص پر گولی چلائی۔فائر ہونے کے بعد مشکوک شخص بھاگنے میں کامیاب ہوا۔
دریں اثناہ گھر والوں کے مطابق مشکوک شخص گھر کے اندر داخل ہوا جس کے بعد گھر والوں نے شور کیا اور یہ شخص بعد چھت کے راستے سے بھاگ نکلا۔ مقامی لوگوں نے فوری طورپر پولیس کو اطلاع دی جس کے بعد پولیس فوج سی آرپی ایف کی ٹیمیں موقع پرپہنچ گئی۔ سکیورٹی فورسز نے علاقہ کو محاصرے میں لیکر تلاشی مہیم شروع کی ہے۔
واضح رہے کہ 4 جنوری کو راجوری کے نوشہرہ علاقہ میں دیر رات مشکوک افراد کو دیکھا گیا تھا۔ بتادیں کہ ڈانگری راجوری میں شہری ہلاکتوں کے بعد سکیورٹی فورسز نے ایک وسیع علاقہ میں حملہ آوروں کی تلاش کرنے کے لیے کارروائی شروع کی ہے۔ذرائع کا کہنا ہے کہ شہری ہلاکتوں کے بعد پولیس نے دو درجن کے قریب افراد کو پوچھ تاچھ کے سلسلے میں مختلف تھانوں پر طلب کیا ہے۔
