امت نیوز ڈیسک //
وزیر اعظم نریندر مودی نے اتوار کے روز اپنے ایک بیان میں کہا ہے کہ لداخ کے لوگوں کے لئے ہر ممکنہ سہولیات بہم رکھنے کے لئے پوری کوششیں کی جائے گی اور یہاں کے لوگوں کی زندگیوں کو آسان بنانے میں کوئی کسر نہیں چھوڑے گی۔
انہوں نے یہ تبصرہ لداخ کے رکن پارلیمنٹ جمیانگ تسیرنگ نامگیال کے ایک ٹویٹ کو ٹیگ کرتے ہوئے کیا جس میں انہوں نے کہا کہ مودی حکومت نے لداخ کو ہمہ موسمی رابطہ فراہم کرنے کے لیے 2025 تک مکمل ہونے والی 4.1 کلومیٹر لمبی شنکن لا ٹنل کی تعمیر کے لیے 1681.51 کروڑ روپے کی منظوری دی ہے۔
مرکز کے زیر انتظام علاقے سے لوک سبھا کے رکن پارلیمنٹ نے کہا، "لداخ کے سب سے پسماندہ علاقے زنسکار کی وادی لنگناک کے باشندوں نے اس فیصلے کے لیے مودی جی کا خیرمقدم کیا اور ان کا شکریہ ادا کیا۔”
اپنے ٹویٹ کو ٹیگ کرتے ہوئے، وزیراعظم مودی نے ہندی میں ایک ٹویٹ میں کہا، "ہم لداخ کے لوگوں کی زندگی آسان بنانے میں کوئی کسر نہیں چھوڑیں گے۔”
