امت نیوز ڈیسک //
ترکی اور شام ایک بار پھر زلزلے سے لرز اٹھا جس کی وجہ سے رپورٹس کے مطابق کئی افراد ہلاک جبکہ 600 سے زائد زخمی بتائیں جارہے ہیں جبکہ کئی افراد کے ملبے تلے دبے ہونے کا خدشہ ہے۔
غیرملکی میڈیا رپورٹس کے مطابق ترکی کے جنوبی علاقوں میں مقامی وقت کے مطابق 8 بج کر 4 منٹ پر زلزلے کے شدید جھٹکے محسوس کیے گئے۔
جبکہ یہ علاقے پہلے ہی 6 فروری کے زلزلوں سے متاثرہ ہیں۔
رپورٹس میں بتایا گیا ہے کہ ترکی اور شام کے سرحدی علاقوں میں آنے والے زلزلے کی شدت 6.4 اور پھر 5.8 ریکارڈ کی گئی اور زلزلے کے جھٹکے مصر اور لبنان میں بھی محسوس کیے گئے۔
خیال رہے کہ 6 فروری کو آنے والے 2 تباہ کن زلزلوں میں ترکیہ اور شام میں 44 ہزار سے زائد افراد ہلاک ہوچکے ہیں اور ہزاروں زخمی ہیں کئی روز پہلے ریسکیو آپریشن بند کریا گیا تھا تاہم اب نئے زلزلے کے بعد ریسکیو آپریشن دوبارا شروع کر دیا گیا ہے۔
