امت نیوز ڈیسک //
رام بن // ضلع رام بن کے شیر بی بی علاقے میں چٹانیں کھسک آنے کی وجہ سے سرینگر قومی شاہراہ کو ٹریفک آمد ورفت کیلئے بند کر دیا گیا ہے۔ ٹریفک حکام نے بتایا کہ رام بن بانہال سیکٹر میں شیر بی بی کے مقام پر پسی گر آنے کے بعد جموں سرینگر قومی شاہراہ پر ٹریفک کی نقل و حرکت کو معطل کیا گیا ہے ، جس کے بعد اہلکاروں اور مشینری کو کام پر لگادیاگیا ہے۔ اُنہوں نے بتایا کہ پسی ہٹانے کے بعد شاہراہ کو ٹریفک آمد ورفت کیلئے کھول دیا جائے گا۔
انہوں نے لوگوں کو مشورہ دیا ہے کہ وہ شاہراہ پر سفر شروع کرنے سے قبل ٹریفک کنٹرول یونٹ سے شاہراہ کی صور تحال کے متعلق تازہ ترین صور تحال سے آگاہی حاصل کریں۔
