امت نیوز ڈیسک //
سماج سے منشیات کی لعنت کو ختم کرنے اور منشیات فروشوں کے خلاف سخت کارروائی کرتے ہوئے، گاندربل پولیس نے پولیس پارٹی شادی پورہ اور پولیس پارٹی ناگبل کے دائرہ اختیار میں دو منشیات فروشوں کو ممنوعہ مادہ کے ساتھ گرفتار کیا۔
انویسٹیگیشن آفیسر شادی پورہ شری عاشق احمد اور انویسٹیگیشن آفیسر ناگبل فیاض احمد کی قیادت میں پولیس پارٹیوں نے ڈی وائی ایس پی ہیڈکوارٹر گاندربل کی نگرانی میں دو بدنام زمانہ منشیات فروشوں کو گرفتار کیا۔ پی پی شادی پورہ کے دائرہ اختیار میں، پولیس پارٹی نے گنڈروشن ناکہ پر چیکنگ کے دوران ایک شخص کی مشکوک حرکت پائی اور اسے گرفتار کرلیا۔ اس کی ذاتی تلاشی کے دوران، ممنوعہ چرس جیسے مادہ کو موقع پر ہی برآمد کرکے ضبط کیا گیا۔ ملزم کو گرفتار کر لیا گیا جس نے اپنی شناخت گلزار احمد پیر سکنہ غلام رسول پیر گوندھ روشن کے طور پر ظاہر کی۔
دریں اثنا، پی پی ناگبل کے دائرہ کار میں رنگیل میں سنیپ ناکا قائم کیا گیا اور ناگبل سے رنگیل آنے والے ایک شخص کو چیکنگ کے لیے روکا گیا۔ اس کی ذاتی تلاشی کے دوران چرس جیسا مادہ موقع پر ہی برآمد کر لیا گیا۔ ملزم کو گرفتار کیا گیا اور اپنی شناخت جاوید احمد کمار ولد حبیب اللہ کمار R/O رنگیل کے طور پر ظاہر کی۔
اس سلسلے میں، پی ایس گاندربل میں قانون کی متعلقہ دفعات کے تحت مقدمہ ایف آئی آر نمبر 43/2023 اور 44/2023 درج کیا گیا ہے، اور تحقیقات شروع کی گئی ہے۔
گاندربل پولس کی تیز رفتار کارروائی کو عام لوگوں نے سراہا ہے۔ منشیات فروشوں کے خلاف سخت قانونی کارروائی آئندہ بھی جاری رہے گی۔ لوگوں سے درخواست ہے کہ وہ منشیات کی سنگین لعنت کو ختم کرنے میں جموں و کشمیر پولیس کے ساتھ تعاون کریں۔
