امت نیوز ڈیسک //
کولگام: جموں و کشمیر کے ضلع کولگام کے ہووڑہ گاؤں میں عسکریت پسندوں اور سیکورٹی فورسز کے درمیان انکاؤنٹر ہوا۔ جس میں ایک عسکریت پسند کے ہلاک ہونے کی اطلاع ہے جبکہ مذکورہ تصادم میں ایک پولیس اہلکار بھی زخمی ہوا ہے۔ جموں و کشمیر پولیس نے ٹویٹ کرکے اسکی اطلاع دی ہے۔علاقے میں سرچ آپریشن جاری ہے۔ بتایا جاتا ہے کہ پولیس اور سیکورٹی فورسز کی مشترکہ ٹیم نے علاقہ کا محاصرہ کرکے سرچ آپریشن شروع کیا۔ اس دوران دونوں جانب سے فائرنگ شروع ہوگئی ہے، جس میں ایک عسکریت پسند کے ہلاک ہونے کی اطلاع ہے جبکہ ایک پولیس اہلکار بھی زخمی ہوگیا ہے۔
تفصیلات کے مطابق سیکورٹی فورسز کو علاقے میں عسکریت پسندوں کے چھپے ہونے کی اطلاع موصول ہوئی، جس کے بعد علاقہ میں جھڑپ شروع ہوئی۔ جموں و کشمیر پولیس کے ٹویٹ کے مطابق مذکورہ تصادم میں ایک مقامی عسکریت پسند کو ہلاک کیا گیا ہے جبکہ اس جھڑپ میں ایک پولیس اہلکار بھی زخمی ہوا، سیکورٹی فورسز نے پورے علاقے میں تلاشی کاروائی شروع کردی ہے۔۔وہیں مقامی لوگوں کے مطابق مارا گیا نوجوان عادل احمد میر ایک عام شہری تھا جو اس جھڑپ میں مارا گیا۔ اس دوران پولیس اور سیکورٹی فورسز نے جائے وقع سے اسلحہ اور گولہ بارود سمیت مجرمانہ مواد برآمد کئے ہیں۔ مذکورہ تصادم سے علاقہ میں خوف و ہراس کا ماحول ہے۔ فی الحال متاثرہ علاقے میں معمولات زندگی بھی متاثر ہوئی ہے۔
