امت نیوز ڈیسک //
بارہمولہ :پولیس نے بدھ کے روز شمالی کشمیر کے بارہمولہ ضلع میں دو خواتین سمیت چھ افراد کو گرفتار کرکے جسم فروشی کے ایک ریکیٹ کا پردہ فاش کیا۔ ایک بیان میں پولیس کے ایک ترجمان نے کہا کہ بارہمولہ پولیس کو معتبر ذرائع سے اطلاع ملی تھی کہ بس اسٹینڈ بارہمولہ کے قریب واقع مکان میں کچھ افراد غیر اخلاقی سرگرمیوں میں ملوث ہیں۔
انہوں نے بتایا کہ اطلاع پر پولیس پارٹی نےانسپکٹر ولایت حسین کی قیادت اور ڈپٹی ایس پی ہیڈکوارٹر بارہمولہ الطاف احمد کی نگرانی میں جسم فروشی کے ریکٹ کا پردہ فاش کیا۔ اس ریکٹ کو لطیف احمد چیچی ولد محمد یونس چیچی ساکنہ ملنگم بانڈی پورہ (کرایہ دار)، الطاف احمد ڈار ولد غلام احمد ڈار ساکنک کرالہار بارہمولہ، خورشید احمد چیچی ولد عبدالرشید چیچی ساکنہ ملنگم بانڈی پورہ، منظور احمد خان ولد سیف الدین خان ساکنہ قاضی حمام بارہمولہ اور دو خواتین سیکس ورکرز (نام ظاہر نہیں کیا گیا) کو حراست میں لیا گیا ہے،”
انہوں نے کہا کہ مقدمہ ایف آئی آر نمبر 136/2023 غیر قانونی اسمگلنگ کی روک تھام ایکٹ کی دفعہ 3,4,8 کے تحت پولیس اسٹیشن بارہمولہ میں درج کیا گیا ہے۔
