امت نیوز ڈیسک //
سری نگر، 17 جولائی: سری نگر ضلع کے ملورا شالٹینگ علاقے میں پیر کی سہ پہر ایک سڑک حادثے میں ٹریفک پولیس سری نگر کا ایک ایس پی او ہلاک جبکہ دو دیگر زخمی ہوگئے۔ سرکاری ذرائع نے نیوز ایجنسی کشمیر اسکرول کو بتایا کہ ایک تیز رفتار ٹرک بے قابو ہو گیا اور اس نے تین افراد کو ٹکر مار دی جن کی شناخت ٹریفک پولیس سرینگر کے ایس پی او ظہور احمد، زاہد احمد بٹ ساکنہ ملورہ اور محمد یوسف بٹ ساکنہ پلوامہ کے طور پر ہوئی ہے۔ ان کا کہنا تھا کہ تمام زخمی افراد کو علاج کے لیے جے وی سی بمنہ لے جایا گیا، جہاں ٹریفک پولیس کے ایس پی او ظہور احمد کو مردہ قرار دیا گیا اور دو دیگر کا علاج کیا جا رہا ہے۔
دریں اثنا، پولیس نے واقعے کا نوٹس لے لیا ہے۔
