سان ہوزے: سنٹرل امریکہ کے ملک کوسٹا ریکا میں ایک دل دہلا دینے والا واقعہ پیش آگیا۔ ایک مگرمچھ نے کوسٹا ریکن لیگ میں ڈیپورٹیوو ریو کانا میں ایک پیشہ ور فٹ بال کھلاڑی جیس لوپیز اورٹیز (چوچو) کو مار ڈالا۔ مگرمچھ نے سانتا کروز میں دریا میں تیراکی کے دوران کھلاڑی پر حملہ کیا۔
اس حوالے سے گردش کرنے والی ایک ویڈیو میں مگرمچھ کھلاڑی کی لاش کو دریا کی چوڑائی میں گھسیٹتا ہوا دکھائی دے رہا ہے۔ پولیس کو 29 سالہ نوجوان کی لاش نکالنے کے لیے مگرمچھ کو گولی مارنا پڑی۔
Terrible la muerte del futbolista Tico, Jesús Alberto López, quien se metió a nadar a un rio en #CostaRica pic.twitter.com/s1kvDHL3QG
— Ricardo Morales Sánc (@riva_leo) August 4, 2023
کھلاڑی کے پڑوسیوں نے مقامی پولیس سارجنٹ کو بتایا کہ کھلاڑی جسمانی ورزش کر رہا تھا جب اس نے تیراکی کا فیصلہ کیا۔ پھر اس نے دریائے کناس پر پل سے چھلانگ لگا دی۔ پولیس نے ایک بیان میں کہا بدقسمتی سے مگرمچھ نے اسے ڈوبا دیا تھا۔ ہم نہیں جانتے کہ اس کی موت ڈوبنے سے ہوئی یا مگرمچھ کے کاٹنے سے۔