امت نیوز ڈیسک //
سرینگر (جموں و کشمیر): ڈپٹی ڈائریکٹر اسٹیٹس کشمیر کی جانب سے سینئر صحافی احمد علی فیاض کو رواں مہینے کی 18 تاریخ کو جموں و کشمیر پبلک پریمیسی ایکٹ کے تحت شو کاؤس نوٹس بیجھا گیا ہے۔ ایکٹ کے سیکشن 4(1) کے تحت بیجھے گئے نوٹس میں کہا گیا ہے کہ "ڈپٹی ڈائریکٹر اسٹیٹس کشمیر کی رائے ہے کہ آپ (احمد علی فیاض) سرکاری احاطے میں غیر مجاز قبضہ کر کے بیٹھے ہیں اور اس لیے آپ کو وہاں سے بے دخل کیا جائے گا۔”
وجوہات کا تذکرہ کرتے ہوئے نوٹس میں کہا گیا ہے کہ "آپ کو سنہ 2000 کے اپریل مہینے کی چار تاریخ کی سرکاری احاطہ ایک سال کے لیے آلاٹ کیا گیا تھا کیونکہ آپ ایک صحافی تھے۔ اس الاوٹمنٹ میں کوئی بھی توسیع نہیں کی گئی ہے۔ اس کے مزید 2,76,464 روپے اس احاطے کا کرایہ بھی باقی ہے۔ الاٹمنٹ کے بعد ابھی تک آپ نے کوئی انڈر ٹیکنگ تکنیک دے کر یہ یقین دلانے کی کوئی کوشش نہیں کی کہ آپ کا یا آپ کی اہلیہ کا کو رہائشی مکان سرینگر میں نہیں ہے۔ الاٹمنٹ میں توسیع کے لیے نامزد کمیٹی کے سامنے معاملہ رکھا گیا لیکن کمیٹی نے آپ کے حق میں الاٹمنٹ میں توسیع کرنے کی سفارش نہیں کی ہے۔”
مذکورہ سب وجوہات کی بنا پر ڈپٹی ڈائریکٹر اسٹیٹس کشمیر نے احمد علی فیض سے "احاطہ (کوارٹر نمبر جے 8، جواہر نگر) کو رواں مہینے کی 25 تاریخ تک خالی کرنے یا کوئی ایسا دستاویز یہ ثبوت پیش کرنے کی ہدایت دی ہے کہ جس کے ذریعہ وہ یہ ثابت کریں کہ اُن کے خلاف ‘بے دخلی’ کے احکامات کیوں نہ جاری کیے جائیں۔
