امت نیوز ڈیسک //
بارہمولہ: سرکاری ذرائع کے مطابق ہانجی وارہ پٹن میں نیشنل ہائی وے پر ایک آئی ای ڈی ملا ہے اور اس کے بعد پولیس کی ایک ٹیم، فوج کی آر آر 29 اور سی آر پی ایف موقع پر پہنچ گئی اور علاقے میں تلاشی کارروائی مہم شروع کی۔ دریں اثناء بم ڈسپوزل اسکواڈ کو طلب کیا گیا تاکہ اس مشتبہ آئی ای ڈی کو تباہ کیا جائے۔ اسی درمیان خبر ہے کہ اس IED کو دھماکے سے اڑا کر تباہ کر دیا گیا۔
آپ کو بتادیں کہ اس دوران نیشنل ہائی وے پر دونوں طرف سے گاڑیوں کو روک دیا گیا ہے۔ اس ضمن میں سی آر پی ایف اور جموں کشمیر پولیس کی مشترکہ ٹیموں نے علاقے کو اپنی تحویل میں لیا ہے اور علاقے میں سکیورٹی سخت کر دی گئی ہے۔ اس ضمن میں بم ڈسپوزل اسکواڈ کی ایک ٹیم نے کافی مشقت کے بعد اس مشتبہ آئی ای ڈی کو تباہ کیا اور اس کے فورا بعد سرینگر بارہمولہ قومی شاہراہ کو ٹریفک کی نقل و حرکت کے لئے شروع کیا گیا۔ تاہم علاقے میں سیکیورٹی فورسز نے پٹن اور کے گردونواح علاقوں میں تلاشی کارروائی شروع کی ہے۔
واضح رہے کہ اس سے قبل بھی جموں و کشمیر کے مختلف علاقوں میں مشکوک بیگ لا وارث حالت میں پائے جا چکے ہیں۔ ان میں سے کچھ بیگ میں دھماکہ خیز مواد و آلات بھی برآمد کیے گئے تھے۔ انہیں خدشات کے پیش نظر سکیورٹی ادارے بارہمولہ میں برآمد مشکوک بیگ کے حوالے سے کافی محتاط نظر آ رہے ہیں۔
