امت نیوز ڈیسک //
سری نگر: جموں و کشمیر میں 75 ویں یوم جمہوریہ کی تقریبات پرامن طریقے سے گزری جبکہ حکام نے بتایا کہ مرکزی مقامات پر 40,000 سے زیادہ لوگوں کی شرکت دیکھنے میں آئی۔ عینی شاہدین نے بتایا کہ سری نگر کے ساتھ ساتھ جموں میں یوم جمہوریہ کی تقریب کے مرکزی مقامات کے باہر لوگوں کی بڑی قطاریں دیکھی گئیں۔
قابل ذکر بات یہ ہے کہ حکومت نے لوگوں کو جموں و کشمیر میں یوم جمہوریہ کی تقریبات میں شرکت کے لیے مدعو کیا تھا جب کہ تقریبات میں شرکت کے لیے کسی کو کوئی خصوصی دعوت یا پاس نہیں دیا گیا تھا۔
سری نگر میں مرکزی تقریب یہاں بخشی اسٹیڈیم میں منعقد ہوئی جہاں لیفٹیننٹ گورنر کے مشیر آر آر بھٹناگر نے مارچ پاسٹ میں سلامی لی جہاں انہوں نے قومی پرچم لہرایا۔
عہدیداروں نے بتایا کہ بخشی اسٹیڈیم میں ہوئی تقریب میں تقریباً 25,000 سے 30,000 لوگوں نے شرکت کی۔
وہیں جموں جے مولانا آزاد سٹیڈیم میں ہویی تقریب میں ایل جی منوج سنہا نے پرچم کشائی کی۔جہاں لگ بھگ دس ہزار لوگوں نے تقریب میں شرکت کی ۔
قابل ذکر بات یہ ہے کہ یوم جمہوریہ ہندوستان کے آئین کو اپنانے اور 26 جنوری 1950 کو ملک کی جمہوریہ میں منتقلی کی نشان دہی کرتا ہے۔
سری نگر میں، تجارتی مرکز لال چوک میں جوش و خروش دیکھا گیا کیونکہ پہلی بار یوم جمہوریہ کی تقریبات کا براہ راست ٹیلی کاسٹ کیا گیا۔
مقامی لوگوں کے ساتھ ساتھ سیاحوں کی بڑی تعداد کو گھنٹہ گھر (کلاک ٹاور) کے قریب بڑی اسکرین پر تقریبات کا براہ راست مشاہدہ کرتے ہوئے دیکھا گیا۔
